Gabiley (Hargeisa Press) – Waxaa maanta magaalada Gabiley ka dhacay banaan-bax weyn oo lagaga soo horjeedo Madaxweynaha Soomaaliya ee uu mudo xileedkiisu dhamaaday ee Farmaajo.
Banaan-baxan oo ay dhigeen shacabka ku dhaqan magaalada Gabiley oo iskugu soo baxay magaaladaasi, ayaa sidoo kale dab qabadsiiyay calanka Soomaaliya.
Dadwaynahan banaan-baxayaasha aha, ayaa waxaa ay ku dhawaaqayeen erayo ay kaga soo horjeedan Soomaaliya, iyagoona soo bandhigay taageeradda balaadhan ee ay u hayaan calanka Somaliland iyo qadiyada Somaliland.
Waxaanay dadweynahani, ay sheegeen in ay ka cadhaysan yihiin, hadalkii uu dhowaan Madaxweynaha Soomaaliya Farmaajo ku sheegay in Somaliland uu socdo kacdoon midnimo doon ah.
Maaha markii ugu horaysay ee dadweyni gadoodsani ay calanka Soomaaliya dab ku qabadsiiyaan Somaliland, iyadoona dadka ku nool gobolo ka mid ah Somaliland ay sidan oo kale dab u qabadsiiyeen calanka Soomaaliya.