Tog-Wajaale (HP): Masuuliyiin ka tirsan Somaliland ayaa maanta baabuur dhawaan laga soo dhacay dalka Itoobiya ku wareejiyay dawlad deegaanka Soomaalida Itoobiya.
Baabuurkaasi oo noociisu ahaa Iska-roggo ayaa todobaadkii hore laga soo dhacay gudaha magaaladda Jigjiga, kaasoo kadibna lala soo galay gudaha dalka Somaliland.
Waxaana gaadhigaasi maanta lagula kala wareegay magaallo-xuduudeedka Tog-wajaale, halkaasoo ay ku sugnaayeen maamulka gobolka Gabiley iyo saraakiisha taliska booliska gobolkaasi.
Halka sidoo kalena ay goobta joogeen masuuliyiin ka socday dhinaca dawlad deegaanka Soomaalida Itoobiya oo baabuurkaasi lagu wareejiyay.
Hargeisa Press.com/Hargeisa Office.