Qaramada Midoobay oo Ka Digtay Macluul Baahsan oo Ka Dhacda Tigray

0
678

New York (Hargeisa Press) – Sarkaal sare oo ka tirsan Qaramada Midoobay, ayaa Golaha Amaanka ee Qarmada Midoobay uga digay in haddii aan tallaabo deg deg ah la qaadin ay macluul baahdsani ka dhici doonto gobolka Tigray ee dalka Itoobiya.

Wakaaladda wararka ee AFP, ayaa aragtay nuqul ka mid ah warbixin uu Mark Lowcock oo ah Wakiilka Arrimaha Bani’aaddannimada ee Xoghayaha Guud ee Qaramada Midoobay uu ka diyaariyay gobolka Tigray, taas oo uu u gudbiyay Golaha Ammaanka ee Qaramada Midoobay.

Lowcock ,ayaa sheegay, in haddii labada bilood ee soo socota aan si deg deg ah loo xoojin gargaar bani’aadannimo ay dadka ku nool gobolkaas ay colaaduhu ka jiraan ee Tigray ay khatar u gali doonaan macluul.

Muddo ka badan lix bilood oo ay colaado ka jiraan gobolka waqooyi ee Tigray ee Itoobiya, ayaa hay’addaha gargaarka ee caalamiga ah iyo Qaramada Midoobay soo sheegayeen in halkaasi ay ka dhaceen gabood fallo ka dhan ah aadanaha.

LEAVE A REPLY

Please enter your comment!
Please enter your name here