Hargaysa (HP): Natiijadda hor dhaca ah ee xildhibaanadda soo baxay ee golaha deegaanka caasimadda Hargaysa ayaa lagu dhawaaqay.
Xubnaha golaha deegaanka Hargaysa oo ay tiradoodu dhan tahay 17 xildhibaan, ayaa xisbiga Waddani waxa uu helay 7 xubnood.
Sidoo kale xisbiga Kulmiye ayaa helay 6 xildhibaan. Halka xisbiga UCID na uu helay 4 xildhibaan.
Sida ay shaaciyeen komishanka doorashooyinka gobolka Maroodijeex oo goor dhawayd warbaahinta la wadaagay sida loo kala helay kuraasta golaha deegaanka caasimadda Hargaysa.
Geesta kale shaacinta xubnaha guulaystay ee golaha deegaanka Hargaysa ayaa noqonaya kuwii ugu danbeeyay oo lagu dhawaaqo.
Iyadoo dhamaanba goleyaasha deegaanka ee degmooyinka dalka hore loo shaaciyay.
Waxaana jirtay in ku dhswaaqista caawa ee golaha deegaanka Hargaysa ee soo baxay si weyn loogu dheg taagay maanta ilaa caawa.
Dhinaca kale waxa aan weli lagu dhawaaqin natiijadda xildhibaanadda soo baxay ee gobolka Maroodijeex, kaasoo la filayo in berito la shaaciyo.
Hargeisa Press.com/Hargeisa Office.