Wahigton (Hargeisa Press)- Madaxweynaha Mareykanka Donald Trump ayaa maanta sheegay in go’aanka Ururka Ganacsiga Adduunka uu Mareykanka ugu ogolaaday inuu cashuur dheeri ah saaro badeecadaha Midowga Yurub uu yahay “guul wanaagsan.”
Ururka WTO ayaa shalay go’aankan u xukmiyey Mareykanka, si uu uga aarguto taageerada Midowga Yurub siiyo shirkadda diyaaradaha sameysa ee Airbus.
“Mareykanka waxa uu abaal-marin 7.5 bilyan oo dollar ah ka helay Ururka Ganacsiga Adduunka taasi oo ka dhan ah Midowga Yurub oo sanado badan si xun ila dhaqemayey Mareykanka, isaga oo saarayq cashuuro, xannibaado ganacsi iyo ka badan” ayuu Trump ku qoray bartiisa twitter-ka.
Mareykanka ayaa ku dooday in taagerada Midowga Yurub ee shirkadda Airbus ay dhaawaceyso shirkadaha diyaardaaha sameeya ee Mareykanka ee loolanka uu kala dhaxeeyo Airbus.
Midowga Yurub ayaa ka digay in haddii Mareykanku ku dhaqaaqo inuu cashuuro dheeri ah saaro badeecadaha Yurub, in Midowga Yurub “ayna u furnaan doonin wax aan ka ahayn inay sameeyaan tallaabo taas la mid ah.”
Dhaqaalyahannada ayaa ka digay in cashuuraha la isugu jawaabayo ay dhaawici karto dhaqaalaha adduunka, oo markii horeba ay waxyeelo kasoo gaadhay dagaalka ganacsi ee Shiinaha iyo Mareykanka.
Hargeisa Press Desk/Hargeisa Office.