Hargeysa (Hargeisa Press)- Wasiirka wasaaradda horumarinta caafimaadka Somaliland, Xasan Maxamed Cali Gaafadhi, ayaa xafiiskiisa ku qabiley wefti uu hoggaaminayo safiirka safaarada Taiwan Mr. Allen Luu iyo masuuliyiin kale oo ka socoda dalka Taiwan.
Kulankan, ayaa waxaa wasiirka ku wehelinayay Agaasimaha guud ee Wasaaradda horumarinta Caafimaadka Somaliland Dr. Maxamed Cabdi Xergeeye, agaasime Ku-xigeenka Cisbitaalka guud ee Hargeysa Dr. Cadnaan Cabdoo.
Kulanka weftiga iyo wasiirka, ayaa qaatay sacaado badan, kaas oo lagaga wadahadlay arrimo badan oo la xidhiidha horumarinta adeegyada caafimaadka Somaliland.
Kulkani, ayaa intii uu socday lagaga wadahadlay horumarin iyo balaadhin lagu sameynayo cisbitaalka guud ee magaalada Hargeysa, waxaana dib u habaynta iyo casriyaynta lagu sameynayo waxa Somaliland ka caawinaysa Taiwan.
