Addis Ababa (Hargeisa Press)- Madaxda shirkadda Adeegga Gaadiidka iyo Saadka ee dalka Itoobiya ee ESLSE oo ay dowladdu leedahay, ayaa waxaa ay waddaan qorshe ay ku soo iibsanayaan lix markab oo xamuul ah.
Wondimu Daba, oo ah ku xigeenka maamulaha guud ee ESLSE ee Adeegyada Shirkadaha, ayaa u sheegay warbaahinta dowladda Itoobiya in guddiga shirkadu ay ka baaraan degayaan shuruudaha la wareegidda.
“Waxaan si buuxda ugu diyaar garownay inaan helno lixda markab. Guddigu waxay baadhayaan haddii aan u heli karno jaartarka wakhtiga, jaartarka socdaalka ama si toos ah u iibsanno. Markaa waxaanu raacaynaa nidaamka qandaraasyada caadiga ah,” ayuu yidhi ku-xigeenku maamulaha guud ee ESLSE ee Adeegyada Shirkadaha Itoobiya.
Shirkadda kaliya ee ka shaqeysa maraakiibta badan ee dalka Itoobiya, ESLSE warbixinteeda 2023/24 waxay muujineysaa inay gacanta ku hayso 45 boqolkiiba wadarta guud ee Itoobiya 8.25 tan oo xamuul qalalan oo laga soo dejiyo dekedaha Jabuuti.
Shirkaddu waxa kale oo ay sheegtay in ay gacanta ku hayso dhoofinta badeecadaha badda ka badan 13 tan.
Toddobaadkan, Alemu Sime, Wasiirka Gaadiidka iyo Saadka Itoobiya, ayaa warbaahinta dowladda u sheegay in awoodda ESLSE ay weli liidato marka loo eego baahida ganacsiga caalamiga ah ee dalka Itoobiya.
“Baahida wax soo dejinta iyo dhoofinta ee waddanku way sii kordhaysaa. Laakiin, shirkaddu waxay leedahay 10 markab oo xamuul oo keliya; aad u yar si aan u daboolo baahiyaheena saadka. Sidaa darteed, waxay miciin bidaysaa in ay maraakiibta ku hayso heshiis kiro,” ayuu yidhi Alemu.
Warbixinta waxqabadka Shirkadu waxay daaha ka qaaday inay qaaday ku dhawaad 834,000 oo tan oo alaabo ah iyadoo la isticmaalayo maraakiib lagu helay kiro sannadkii hore.
In kasta oo shirkadda dowladdu ay diiwaangelisay dakhli dhan 57 bilyan oo birr muddada warbixinta, kharashyo badan, oo ahaa 48 bilyan birr, ayaa miisaamay guusha la gaadhay.