Hargeisa (Hargeisa Press)- Magaalada Hargeysa iyo magaalooyinka kale ee Somaliland ayaa maanta si weyn looga ciiday.
Wadooyinka ayaa saxmad ahaa saaka magaalada Hargeysa, caruur iyo waalid gacanta haya ayaa soo buuxdhaafiyay kuwaasoo u socday booqashada iyo marxabeynta eheladooda.
Qaar kalena waxay u socdeen goobaha lagu ciyaaro ee loo tamashle tago oo sidii ciidooyinkii hore u furan.
Dhinaca kale, madaxweynaha Somaliland Muuse Biixi Cabdi ayaa saaka shacabka magaalada Hargeysa la tukaday salaadii ciidul fidriga.