Hargaysa (HP): Guddi hoosaadka hawlaha guud, tiknoolajiyadda, guriyeynta iyo dhulka ee golaha Wakiiladda ayaa maanta kormeer ku tegay haayadda duulista iyo madaaradda somaliland.
Waxaana guddida soo dhaweeyay maareeyaha, haayadda madaarada Somaliland Cumar Sayid, isagoona faahfaahin ka siiyay shaqada ay qaranka u hayaan.
Sidoo kale guddida ayaa su’aalo kala duwan maareeyaha ka waydiiyey hawlaha shaqo ee haayaddoodu Qaranka u hayso, waxaanu mid mid uga jawaabay su’aalihii ay weydiiyeen.
Dhanka kale waxa ay guddidu soo kormeereen qaybaha kala duwan ee garoonka diyaaradaha ee magaalada Hargeysa.
Iyadoona halkaasi uu ku soo dhaweeyay maamulaha madaarku, isla markaasna guddida soo tusay qaybaha kala duwan ee garoonka iyo qaybkastaaba shaqada ay bulshada iyo Qarankaba u hayso.
Hargeisa Press.com/Hargeisa Office.