Gabiley (HP): Laba ruux ayaa ku geeriyooday saddex kale na way ku dhaawacmeen shil baabuur oo maanta ka dhacay jidka u dhexeeya magaalooyinka Gabiley, iyo Tog-Wajaale.
Dadkii dhaawacmay ayaa lageeyay cusbitaalka degmadda Wajaale halkaas oo xaaladooda caafimaad lagu dabiibayo.
Shilkan ayaa dhacay kadib markii ay isku dhaceen saddex gaadhi oo ay midi ahayd Iskorogo wadada taalay.
Halka ay isku dhaceen laba baabuur oo kale oo iyagna jidka Laamiga ah marayay. Kuwaasoo isku dhacoodda ay ka dhasheen dhimashadda labada qof, iyo dhaawaca kale.
Maydka labada Marxuum ee geeriyooday ayaa maydkooda la geeyay cusbitaalka guud ee magaaladda Gabiley.
Geesta kale waxaa inta badan Somaliland ka dhaca shilalka baabuurta oo khasaare nafeed, iyo burburka mid hantiyeedba keena.
Shilalkaasi oo inta badan ka dhaca jidadka isku xidhaya magaalooyinka Somaliland gaar ahaana Wadadooyinka u dhexeeya Hargaysa, iyo Wajaale.
Inkasta oo xukuumadda Somaliland dadaal ka gashay haddana ilaa hadda ma jiro wax xal u noqda oo la keenay.
Hargeisa Press.com/Hargeisa Office.