Laascaanood (HP): Dawladda hoose ee degmadda Laascaanood ayaa maanta fulisay hawl-galka duminta dhismeyaasha guryo ku dhex yaalay Waddada hal-bawlaha ah ee dhex marta magaaladaasi.
Waxaana hawl-galkaasi goob joog ka ahaa duqa degmadda Laascaanood Cabdiraxiin Cali Ismaaciil, iyo Xoghayaha fulinta dawladda hoose Boos Dubad Boos, iyo sidoo kale Injiineerro iyo masuuliyiin kale.
Dhismeyaashan la dumiyay ayaa inta badan qayb ka ahaan jiray Biyo Qabatinka xili roobaadka biyaha fadhiista Suuqa Magaaladda Laascaanood ee xarunta gobolka Sool.
Duminta Gurigan oo qorshihiisa ay masuuliyiinta degmadu hore ugu gudbiyeen mulkiilaha iska leh gurigaasi Maxamed Saleebaan Sancad, ayaa soo dhaweeyay hawlaha horumarineed ee golaha deegaanka degmadu ka wadaan magaaladda Laascaanood.
Hargeisa Press.com/Hargeisa Office.