Hargeisa (Hargeisa Press) – Dowladdaha Somaliland iyo Taiwan, ayaa waxa ay maanta si rasmi ah u wada bilaabeen heshiis lagu daahfurayo Mashruuca horumarinta Caafimaadka Hooyada iyo Dhalaanka ee ay maalgalin doonto dowladda Taiwan.
Mashruucan, ayaa looga goleeyahay sidii kor loogu qaadi lahaa awoodda daryeelka caafimaadka hooyada iyo dhallaanka ee Somaliland, waxaanu Mashruucani kobcin doonaa awoodda wax looga qabanayo dhibaatooyinka caafimaadka hooyada iyo dhallaanka.
Mashruucani wuxuu socon doonaa muddo 3 sanadood ah, wuxuuna mashruucu ka koobnaan doonaa, Qalabaynta qaar ka mid ah cisbitaalada dalka, Tayaynta nidaamka shaqo ee adeegyada hooyada iyo caruurta, Tababarka macalimiinta caafimaadka gaar ahaan culuumta dhalmada iyo caruurta iyo Tababarka 200 oo iskugu jira dhakhaatiir, kalkaalisooyin, iyo umulisooyin.
Sidoo kale, Wakiilka Taiwan ee Somaliland, Amb. Allen C. Lou, ayaa maanta soo gaadhsiiyay wasaaradda caafimaadka Somaliland kharashka ku baxaya qaybta hore ee mashruuca oo khusaysa qalabka iyo agabka mashruuca lagu fulin doono oo ay ka mid yihiin baabuurta gargaarka degdega ah (Ambulances) iyo qalab kale (Portable Ultrasound Machines, Infant Incubators, Adults Oximeters, etc).
Mashruucani wuxuu salka ku hayaa Qorshaha Horumarinta Qaranka II (2017 – 2021), waxaana uu ka jawaabayaa baahida loo qabo badbaadinta iyo bedqabka hooyooyinka iyo dhalaanka.
Taiwan waxa kale oo ay hore Somaliland u soo gaadhsiisay qalab iyo agab caafimaad oo ay ka mid yihiin agabka COVID19 (Surgical masks, infrared thermographs, infrared forehead thermometers, PPE, protective clothing, nucleic acid analyzers, hydroxychloroquine tablets, reagents, test kits, etc.), Taiwan waxaa kale oo ay diyaar u yihiin inay Somaliland la wadaagaan wax kasta oo kor u qaadaya wada shaqaynta iyo xidhiidhka wanaagsan ee ka dhaxeeya labada dowladdood ee Somaliland iyo Taiwan.
Wasiirka Wasaaradda Horumarinta Caafimaadka Somaliland Cumar Cali Cabdilaahi oo hadal ka jeediyay xaflada daah-furka barnaamijkan, ayaa ugu horayn u mahadnaqay dowladda Taiwan, isagoona sheegay in Somaliland diyaar la tahay in ay Taiwan gacan ka siiso waxyaabaha ay danaynayso.
“Xukuumadda Somaliland waxa ka go’an inay hagaajiso deegaanka caafimaad ee qaranka. Waxay u mahadnaqaysaa dowladda Taiwan oo sii waday inay Somaliland siiso dawooyin iyo dawooyin ka dhan ah COVID-19. Mashruucan, waxa ay Somaliland-na diyaar la tahay inay Taiwan gacan ka siiso waxyaabaha ay danaynayso.”ayuu yidhi Wasiirka Wasaaradda Horumarinta Caafimaadka Somaliland Cumar Cali Cabdilaahi.
Geesta kale, Wakiilka Taiwan ee Somaliland Allen C. LOU, ayaa xaflada barnaamijka lagu daah-furayay ka sheegay in “Barnaamijka Horumarinta Daryeelka Caafimaadka Hooyada iyo Dhallaanka” uu yahay dadaal ay iska kaashadeen Xafiiska Wakiilka Taiwan ee Somaliland iyo Wasaaradda horumarinta caafimaadka Somaliland. Sida ku xusan heshiiska hirgelinta ee la saxeexay.
“Taiwan waxay ogolaatay inay maalgaliso ku dhowaad US $ 300,000 sanadkan si loo iibsado qalab caafimaad oo mudnaanta la siinayo oo ay ku jiraan laba ambalaas, mashiinka ultrasound-ka la qaadi karo, qalabka wax lagu duubo ee dhallaanka, dhallaanka iyo dadka waaweyn ee O2 oximeters, iyo wixii la mid ah.” Ayuu yidhi Wakiilka Taiwan ee Somaliland.
Wakiilka Taiwan ee Somaliland Allen C. LOU, ayaa sidoo kale sheegay in ay ku qadarinayaan Ilma walba rajada Somaliland, sidaa darteedna uu ku faraxsanyahay inuu Somaliland la wadaago khibrada ay leeyihiin, si looga caawiyo dhallaanka iyo hooyadood inay helaan daryeel caafimaad oo wanaagsan.
Danjiraha waxa kale oo uu xusay in Heshiiska Iskaashiga Caafimaadka ee ay kala saxeexdeen 16-kii Juun 2021-ka Taiwan iyo Wasiirrada Arrimaha Dibadda ee Somaliland ay aasaas sharci u dhigi doonaan iskaashi caafimaad oo dheeraad ah oo ka dhaca Somaliland.
“Qiyaastii 1/3 ka mid ah Taiwan ICDF iyo deeqda waxbarasho ee la siiyay ardayda reer Somaliland waxay la xidhiidhaa daraasadaha daryeelka caafimaadka ee Taiwan. Xafiiska Wakiilka Taiwan ee Somaliland wuxuu isku dayayaa inuu dhexgalo iskaashiga socda si qunyar socod ah iyo si toos ahba si loo kordhiyo saamaynta wada shaqaynta si toos ah looga faa’iideysto dadka reer Somaliland oo aan laga tagin wax “dabin ah”. Taasi waa iskaashigii qaab-dhismeedka Taiwan ee Somaliland. Ayuu yidhi Wakiilka Taiwan ee Somaliland Allen C. LOU.