Garoowe (Hargeisa Press) – Madaxweyne ku-xigeenka maamul goboleedka Puntland Axmed Cismaan (Karaash) ayaa sheegay in Puntland leedahay Taariikhda Daraawiishtii Sayid Maxamed Cabdalle Xasan.
Madaxweyne ku-xigeenka oo Maanta hadal ka jeediyey Magaalada Garoowe ayaa isagoo daba socda hadal uu Wasiirka Warfaafinta Somaliland, Saleebaan Yuusuf Cali (Koore) ku sheegay in Taariikhda Daraawiishta ay Somaliland leedahay, wuxuu sheegay in sheegashada Wasiirka Warfaafinta Somaliland aanay waxba ka jirin.
“Nin baa halkaa ka yidhi oo sheegtay Taariikhda Sayidka, Ninkaasi Afkaan ku ballaadhinayaaye wuxuu yidhi Taariikhda Sayid (Waxa leh) Hargeysa..” ayuu yidhi.
Wuxuu Madaxweyne ku-xigeenka maamulka Puntland uu intaa ku daray “Ninkaa waxaanu leenahay ‘Aa la tahay’ Iska hadlow ina igarre..”
Wasiirka Wasaaradda Warfaafinta Somaliland, Saleebaan Yuusuf Cali Koore ayaa dhawaan sheegay in Somaliland leedahay Taariikhda Daraawiishtii Sayid Maxamed Cabdalle Xasan.
Halgankii Daraawiishta ayaa ka mid ah waxyaabaha lagu xusay ee ku qoran Dastuurka Somaliland.
https://youtu.be/u3awm7C9Ep4
Hargeisa Press Desk/Garoowe Office.