Hargaysa (HP): Golaha Guurtidda Somaliland ayaa maanta dood ka yeeshay xaaladaha guud ee amniga ee caasimadda Hargaysa iyo dhacdooyinka inta badan ka dhaca iyo kuwo ka dhacay maalmihii u danbeeyay.
Waxaanay xildhibaanadu dooddoodaasi ku soo qaateen arrimaha dhinaca saxmadda inta badan ka dhacda magaaladda Hargaysa, isla markaana si maalinle ah u sababa dhibaatooyin kala duwan.
Sidoo kale waxay ka hadleen mudaharaadyo iyo rebshado khasaare sababay oo ay dhawaan sameeyeen ardayda wax ka barata qaar ka mida dugsiyadda gaarka loo leeyahay ee ku yaalla caasimadda Hargaysa.
Fadhiga maanta oo uu shir-guddoominayay guddoomiyaha golahaasi Saleebaan Maxamuud Aadan, ayaa xildhibaanadii doodda ka dhiibtay fadhigaasi waxay ka hadleen sidii waxyaabaha ka taagan caasimadda ee mushkiladda ku ah bulshadda in wax laga qabto.
Waxaanay intoodda badan sida aadka ah uga hadleen xildhibaanadu rebshado ay sameeyeen qaar ka mida ardayda wax ka barata dugsiyadda sare ee gaarka loo leeyahay ee ku yaalla caasimadda Hargaysa.
Gaar ahaana dugsiga sare ee Nuuradiin, oo laba todobaad ka hor mudaharaad ay dhigeen ardayda wax ka barataa ay khasaare hantiyeed ku gaadhsiiyeen qalabkii dugsiga iyo baabuur.
DAAWO: DOODII GUURTIDDA EE MAANTA:
Hargeisa Press.com/Hargaysa Somaliland.