Hargeysa,(HargeisaPress) —Qaban-qaabada Shir-weyne Beesha Isaxaaq Carre ku qabsanayso degmada Cadaadley ayaa aad looga dareemayaa Caasimada Hargeysa.
Shirweynahan oo qaban-qaabadiisa laga abaabulaayey Caasimada Hargeysa isla markaasna loo mudeeyey in uu qabsoomo 5 March 2019 oo hada maalmo koobani ka hadhsan yihiin, ayaa lagu wadaa inuu si rasmiya uga qabsoomo Degmada Cadaadley ee Bariga magaalada Hargeysa.
Shirkan Aayo Ka-tashiga ah, oo ay qaban-qaabinayaan Haldoorka, Aqoonyahanka,
Dhalinyarada,Madax-dhaqameedka iyo dhamaan qaybaha bulshada ee Beesha Isaxaaq Carre, ayaa bulsho-weynta reer Somaliland aad u dareemaysaa qaban-qaabadiisa
Xoghayaha Gudida Qaban-qaabada Shirka Md. Khadar Chile Cabdi oo warbaahinta la hadlay ayaa ka waramay halka uu marayso qaban-qaabada shirku iyo ajandahiisaba ayaa waxa uu tilmaamay in shirkoodan ay kaga tashanayaan, Aayahooda gaarka ah iyo Horumarinta Deegaankooda iyo danaha beeshooda, isagoo isla markaasina cadeeyey in shirkoodani ka Madax-banaan yahay Arimaha Siyaasada iyo wixii la mid ah-ba
Xoghayaha Gudida Qaban-qaabada Shirka Md. Khadar Ciise Cabdi oo gaba-gabadii ka hadlay halka halka ay u marayso qaban-qaabadii iyo abaabulkii shirku ayaa waxa uu yidhi” qaban-qaabadii shirku meel fiican ayey noo maraysaa ,dhamaan hawlihii qaban-qaabinta iyo diyaarinta shirku way noo dhamaystiran tahay, waqtigii shirku furmaayeyna waxa nooga hadhsan waxyar oo 5 March 2019 ayuu Degmada Cadaadley ka furmayaa shirku sida qorshuhu yahay ,waana la dhamaystiray dhamaan qaban-qaabadii iyo diyaarintii shirkaba”
Dhinaca kale Shirkan oo dareen badan galiyey Xukuumada iyo Xisbiyada Siyaasadaba ayaa maalmihii ugu danbeeyey aad looga hadal hayey goobaha bulshadu ku kulanto ee Caasimada Hargeysa.
