Hargaysa, (HargeisaPress) –Guddoomiyaha Haay’adda Shaqaalaha Dawlada Somaliland mudane sharmaake Axmed Muxumed Geelle ayaa shaaciyay wakhtiga ay imtaxaanka u fadhiisanayaa ardayday ardayda aqoon yahanka ah eek u dhaqanka gobolka sool.
Sharmaake Geelle ayaa sheegay in Maalintii Axada si habsimi leh u soo dhamaatay qabashadii codsiyadii shaqo ee aqoon yahanka gobolka sool ku tartamayeen 50 kaalmo shaqo oo haay’adda shaqaalaha u qabanayso tartan daah furan.
Wargelin: Taariikhda iyo Goobta Imtixaanka Shaqo ee Gobolka Sool
Waxaa maalintii Axada si habsami ah u soo dhamaystirmay qabashada codsiyadii Shaqo ee Gobolka Sool halkaas oo ay dhalinyarada aqoonyahanka ahi ku tartami doonnaan 50-Kaalmo Shaqo oo Hay’adaha Dawladda ka bannaanaday.
Haddaba, tartanka ayaa qabsoomi doonna maalinta Salaasada ee bari ah taariikhduna tahay 04/12/2018 Insha Allah
Tartamayaasha waxaa lagu wargelinayaa in ay xarunta Jaamacadda Nugaal ee Laascaanood kasoo xaadiraan 9:00Am Subaxnimo ee maalinta Salaasada iyaga oo sita Shahaadooyinkii asalka ahaa “Original” ee ay Copy-giisa horay u soo xaraysteen iyo Aqoonsiga Muwaadinka Somaliland “Somaliland National ID Card”
Waxaan u rajaynayaa tartamayaasha guul iyo tartan hufan
Sharmaarke Axmed Muxumed Gelle
Gudoomiyaha Hay’adda Shaqaalaha Dawladda JSL