Hargeisa (Hargeisa Press)- Madaxweynaha Somaliland Muuse Biixi Cabdi ayaa la filayaa inuu golaha Wakiilada u gudbiyo toddobada xubnood ee loo soo xulay inay noqdaan guddiga cusub ee doorashooyinka qaranka.
Labada xisbi mucaarad iyo shirguddoonka golaha Guurtida ayaa Madaxweyne Biixi u gudbiyay xubnaha ay u xuleen guddiga cusub ee doorashada oo ay tiradoodu noqonayso 4 xubnood, laakiin Madaxweyne Biixi ayaan weli la garanayn saddexda xubnood ee uu u xulay.
Hase yeeshee warar soo baxaya ayaa sheegaya in Madaxweynuhu diyaariyay saddex xubnood oo magacyadoodu kala yihiin
- Mustafe Maxamed Daahir oo ah nin dhallinyaro ah oo aqoonyahan ah
- Kaltuun Sheekh Xasan Cabdi oo ka tirsanayd guddiga uu xilku ka dhammaanayo ee doroashooyinka
- Cabdirashiid Maxamuud Cali (Riyo Raac) oo ah siyaasi caan ah
Madaxweyne Biixi ayaa la filayaa inuu uu u gudbiyo shirguddoonka golaha Wakiilada toddobada xubnood ee guddiga doorashooyinka oo dhammaystiran si ay uga gutaan waajibaadkooda distooriga ah.
Hargeisa Press Desk/Hargeisa Office.