Hargeysa,(HargeisaPress)–Xukuumadda Somaliland, ayaa dejisay qorshe ay lacago badan kaga soo xaraynayso goobo kala duwan oo aan hore qaarkood cashuur looga qaadi jirin, kuwaas oo sannadkan 2021-ka lagu saleeyey Miisaaniyadda Qaranka in ay odoroskeedana qayb weyn ka yihiin.
Dakhligan la qorsheeyey in ay ka yimaadaan meelaha kala duwan, ayaa waxa ka mid ah cusboonaysiinta Ruqsadaha Shirkaddaha Isgaadhsiinta, Hirarka, Warbaahinta qaybaheeda kala duwan, Warqadaha shaqada, Shirkaddaha baabuurta kala duwan, Geershayda, Liisamaha Beeraha, diiwaan gelinta Shirkaddaha.
Dhaqaalahan laga filayo meelaha kala duwan, ayaa waxa u xil saaran oo ay Wasaaraddo kala duwan, oo ay ka mid yihiin Wasaaradda Warfaafinta, Wasaaradda Arrimaha Bulshada iyo shaqo gelinta, Wasaaradda Ganacsiga, Wasaaradda Isgaadhsiinta, Wasaaradda Jidadka, kuwaas oo iyagu maalmihii u dambeeyey soo saaray warqado war gelin ah oo la xidhiidha in ay soo bixiyaan cashuuraha ku waajibay.
Xukuumadda Somaliland, ayaa waxa ay awoodda saartay sannadihii u dambeeyey xoojinta cashuuraha Beriga, taas oo wakhtigan qayb weyn ka ah odoroska Miisaaniyadda 2021-ka.
Wargeyska Saxansaxo
