Hargeysa, (HargeisaPress) —Xogahayaha Fulinta ee Dawlada Hoose ee Hargaysa Mudane. Axmed Maxamed c/laahi (Darajo), oo maanta u waramaayay qaar ka mida warfidiyeenada Dalka ayaa ka warbixiyay Qorshayaasha u yaala Dawlada Hoose oo iskugu jira dhanka Bilicda,Wadooyinka iyo cashuuraha isaga oo sheegay inay hada wadaan Wadooyin badan oo ay ka wadaan guud ahaan Caasimada Jamhuuriyada Somaliland, kuwaas oo ka kooban wadooyin la dhisaayo iyo kuwo la banaynaayo.
Xoghaye darajo oo hadalkiisa sii wata ayaa sheegay in hada caasimada ay ka wadaan olole wadopoyinka lagu baneynaayo islamarkaana dadka degan badhtamaha wadooyinka laga raraayo isaga oo shacabka ugu baaqay in aanay xidhin wadooyinka Hareeraheeda .
Geesta kalana Xoghayaha Fulinta ayaa beeniyay in la Iibiyay wadad isku Xidha Degmooyinka 26June Axmed dhagax oo ay dhawaan dadka degani sheegeen In laga iibiyay Ganacsadaha ina Xarbi balse Xoghayaha ayaa arintaasi ku eedeeyay saxaafada isaga oo sheegay in saxaafadu Bunbuunisay oo aanay waxba ka jirin .
Dhinaca kale Xoghayaha Dawlada hoose oo aanu wax ka waydiinay halka uu ku dambeeyay go,aan ay Dawlada hoose hore u soo saartay oo ahaa ina Koloyada jaadka u saarayaan darafyada magaalada Hargaysa iyo Qorshaha uga yaala Kolayada bilic darada ku haya caasimada Dhexdeeda isaga oo ku jawaabay inay hada wadaan qorshahaasi oo ay u saarayaan magaalada koornaheeda ,balse waxa uu sheegay in ugu tag laayahiin inay galaan xero jaada.
Halkan ka Dhegayso warkaasi oo dhamays tiran
Mustafe Axmed (Herer) HargeisaPress News Desk — Hargeysa