Berbera (HP): Madaxweynaha Somaliland Muuse Biixi Cabdi, iyo wefti uu hoggaaminayo ayaa maanta gaadhay magaalada Berbera ee xarunta gobolka Saaxil.
Waxaana halkaasi madaxweynaha iyo weftgiisa ku soo dhaweeyey maamulka gobolka Saaxil, ka degmada Berbera iyo boqolaal qaybaha kala duwan ee bulshadda magaaladda Berbera.
Madaxweynaha oo saaka safar shaqo kaga soo ambo baxay caasimadda Hargeysa, ayaa Daah-furi doona tartanka koobka horyaalka horyaallada kubbadda cagta Jamhuuriyadda Somaliland ee 2021-ka oo galabta ka furmi doona Garoonka kubbadda cagta ee Cabdalle Stadium ee magaalada Berbera, kaas oo ay ka qaybgeli doonaan kooxo kala duwan oo ka socda gobollada dalka.
Madaweynaha Jamhuuriyadda Somaliland Muuse Biixi Cabdi iyo weftiga uu hoggaaminayo, ayaa ka hor intii aanay gaadhin magaalada Berbera waxa lagu soo dhaweeyey deegaamada u dhexeeya deegaannada u dhexeeya Hargeysa iyo Berbera.
Hargeisa Press.com/Hargeisa Office.