Hargeysa (Hargeisa Press)- Hay’adda Sirdoonka qaranka Somaliland ee NIA, ayaa waxaa ay digniin culus u dirtay shaqsiyaad khatar ku ah amaanka dalka iyo dadkaba.
Hay’adda sirdoonka Somaliland ee NIA oo qoraal ku baahisey boggeeda X(Twitter), ayaa sheegtay in shaqsiyaadkaasi ay sitaan hub isla-markaana ay rasaas ridayaan habeenkii.
Waxay NIA ay sheegtay in la soo xidhi doono dadka halista ku ah shacabka, lana horgeyn doono maxkamadaha si loogu soo oogo dacwad degdeg ah.
“NIA waxa ay uga digaysaa dhamaan shaqsiyaadka sita hubka ee ridaya rasaasta habeenkii waxaana la soo xidhi doonaa dadka halista ku ah shacabka, waxaana la horgeyn doonaa maxkamadaha si loogu soo oogo dacwad degdeg ah.” Sidaa ayaa lagu yidhi qoraalka Hay’adda Sirdoonka qaranka Somaliland ee NIA.
