Berbera (Hargeisa Press) – Shirkadda MSG Group, ayaa la sheegay inay heshiis dhismaha Warshada sibidhka Berbera la saxeexatay Bedeschi SPA oo dalka Talyaaniga laga leeyahay.
Shaacinta Heshiiskan, ayaa lagu sheegay in dhismaha wejiga 1aad ee warshad Sibidhka si buuxda ugu bilaabi doono muddo 18 bilood ka dib, iyada oo la rakibayo awood wax soo saarkeedu dhan yahay 700 000 tpy oo sibidh ah. Dhammaan mashruuca warshadda oo dhammaystiran waxa uu qaadan doonaa 3 sano in lagu dhammaystiro awoodda wax-soo-saarka 3300 t oo sibidh ah
Somaliland waa waddan soo dejisa sibidhka saafiga ah sidaa awgeed Warshadani kuma dari doonto oo kaliya maabka Wadamada sibidhka soo saara Somaliland, balse sidoo kale waxuu noqon doonaa dalka dhoofiya sibidhka si uu dalku u helo dakhligii uu u baahnaa iyo sidoo kale kor u qaadida dhoofinta oo saamayn togan ku yeelan doonta mustaqbalka fog. dheelitirka ganacsiga dalka.
Wajiga 1-aad ee mashruuca, ayaa la filayaa inay fursado shaqo ka helaan muwaadiniin gaadhaya 300 qof, sidoo kale 200 qof si aan toos ahayn uuga faa’iidi doonaan.
Dhismaha Warshada Sibidhka oo u dhow dekedda Berbera, waxa ay fure u noqon doontaa dhoofinta sibidhka oo mustaqbalka fog, taasoo hoos u dhigi doona qiimaha maraakiibta ku keenaan badeecadaha Dekedda Berbera mar haddii ay shirkadaha xamuulka ahi haystaan badeecado kale sibidh ah oo ay dibadda uga dhoofayaan.
Guddoomiyaha shirkadda MSG Group Maxamed Siciid Geedi oo ka hadlay xafladda heshiiska, ayaa sheegay inuu aad ugu kalsoon yahay inuu mashruucani noqon doono mid guulaysta, isla markaana uu noqon doono mid faa’iidada dhaqaale ee uu leeyahay, keliya ku koobnaan shirkada MSG, balse ay tahay mid ay xukuumadda iyo muwaadiniinteedu ka faa’iideysan doonaan.
Somaliland oo la qiyaaso inay ku nool yihiin dad gadhaya ilaa 6 milyan oo qof oo ku nool dhul dhan 177 000 km2, isla markaana ah goob istaraatiiji ah oo ku taal Geeska Afrika oo ku beegan xeebta Jasiiradda Carabta Somaliland, waxa ay u baahan tahay in ay dardargeliso koboceeda dhinacyada kaabayaasha dhaqaalaha iyo sidoo kale horumarinta magaalooyinka ee qorshaysan.
“Dhismaha warshada sibidhka waa hawl istaraatiiji ah oo dalka faa’iido u leh” ayuu yidhi Mudane Axmed Siciid (Maareeye HHG). “Intaa waxaa dheer, heshiiska ayaa laga yaabaa inuu u gogol xaadho qaabab kale oo wada shaqeyn ah oo keenaya shirkad Talyaani ah oo hormuud u noqoto suuq cusub.
Dhagax-dhiggu shirkada Sibidhka ayaa la sheegay in loo asteeyay July 2022 goobta mashruuca la qorsheeyay ee Berbera Somaliland.