Ceerigaabo (Hargeisa Press)- Taageerayaasha xisbiga KULMIYE ee magaalada Ceerigaabo ee xarunta gobolka Sanaag, ayaa maanta isu soo baxyo baaxadle ku soo khatimay ololaha doorashada ee xisbiga oo maalintiisii u dambaysay ay ahayd.
Kumanaan iyo kumanaan taageerayaasha xisbiga KULMIYE ee magaalada Ceerigaabo oo aan farahooda la qiyaasi karin, ayaa socod ku maray jidadka magaalada, iyagoo ku labisen calanka leh hurdiga iyo dooga ee xisbiga KULMIYE.
Intaasi kadib taageerayaasha xisbiga KULMIYE ee magaalada Ceerigaabo, ayaa aakhirkii iskugu soo biyo shubtay fagaaraha khayriyada ee magaalada.
Waxaana isu soo baxyada taageerayaasha xisbiga ee magaalada Ceerigaabo kala qaybgalay xubno ka mid ah golaha Wasiirrada, xildhibaano, masuuliyiinta gobolka iyo madaxda ololaha xisbiga ee gobolka Sanaag.
Madaxda kala duwan, ayaa taageerayaasha xisbiga ee isugu soo baxay fagaaraha khayriyada u jeediyay khudbado dhinacyo badan taabanaya, taasi oo u badnaa mahadnaq, dardaaran iyo dhiiri gelin.
Hoos ka daawo muuqaalka