Hargeysa (Hargeisa Press): Guddoomiyaha Shirkadda Telesom, Md. Cabdikariim Maxamed Iid, ayaa ka mid noqday hoggaamiyayaasha shirkadaha Isgaadhsiinta iyo Teknoolajigga Afrika ee loo xulay in ay u tartamaan Abaalmarinta Caalamiga ah ee loo yaqaano “CXO of the Year” ee sanadka 2018-ka.
Abaalmarintaas oo ah Abaalmarin Caalami ah oo lagu muujiyo hoggaamiyayaasha ku guuleystay in ay horumar ku soo kordhiyeen Isgaadhsiinta & Teknoolajigga Afrika.
Abaalmarintan oo lagu magacaabo “AfricaCom Awards” waxa sannadkasta lagu soo bandhigaa Shirweynaha Teknoolajigga ee “AfricaCom” oo lagu qabto South Afrika.
Shirweynahaasi oo ah ka ugu ballaadhan ee lagu soo bandhigo Teknoolajiyadaha Casriga ah ee Kala duwan.
Hoggaamiyaha Shirkadda Telesom Somaliland waxyaabaha lagu xushay waxa ka mid ah in uu shirkadda uu mas’uulka ka yahay ku guulaysatay in ay door muhiim ah ka ciyaarto horumarka dhaqaalaha Somaliland.
Iyadoo Somaliland ka dhigtay waddankii shanaad ee si habsami ah uu uga hirgalo adeegga moobilka lacagta la isugu diro (ZAAD) iyo waddankii ugu horreeyey ee laga hirgeliyo adeegga sarrifka lacagta moobilka, taas oo isbeddel ballaadhan ku sameysay nolosha bulshada Somaliland.
Adeegyada kale ee indhaha caalamka soo jiitay waxa ka mid ah adeegga Cloud-ka iyo adeegyada dheeraadka ah (VAS) oo uu AQOONMAAL ka mid yahay.
Haddaba waxaad awood u leedahay inaan u codayso xubnaha la soo xulay ee uu ku jiro Cabdikariin Maxamed Iid. Si aad u codayso booqo link-ga https://www.surveymonkey.com/r/africacom-cxo-ecxo-2018 ka dib xagga hoose waxaa kuu soo baxay liiska musharaxiinta oo Cabdikariin Maxamed Iid ku jiro dhex, battan riix, ka dib hoos u daadaga, ka dibna hoos u daadag, buuxi qodobka 3-aad.
Haddii aad doonto qodobadda kale ka sii hooseeya sax ka aad doonto, ka dib next door, waxaa kuu soo baxaysa waad ku mahadsantay codayntaa, ka dibna ok, ka dibna riix DONE sidaasi ayaad ku codaysay.
Hargeisa Press/Hargaysa Office