Laascaanood (HP): Badhasaabka gobolka Sool iyo masuuliyiinta wasaaradda ciyaaraha ee gobolkaasi ayaa maanta sagootiyay kooxda ciyaartooyga ciidanka qaranka ee Gaashaan ee gobolka Sool.
Kooxda Gaashaan ayaa ahayd kooxdii qaaday tartankii kooxaha heerka koowaad ee gobolka Sool sanadkan ka qabsoomay.
Waxaana loo soo sagootiyay kooxdaasi ka qayb galka tartanka ciyaaraha kooxaha heerarka koowaad guud ahaanba dalkan Somaliland oo dhawaan ka furmi doona magaaladda Berbera ee xarunta gobolka Saaxl.
Kooxda Gaashaan ee Sool ayaa maanta waxaa magaaladda Laascaanood ka soo sagootiyay badhasaabka gobolka Sool C/kariin Aadan Xaaji Diiriye, masuuliyiinta wasaaradda caafimaadka ee gobolkaasi, yo saraakiil ka tirsan ciidanka qaranka.
Badhasaabka gobolka Sool C/kariin Aadan Xaaji Diiriye, ayaa ciyaartooyga kula dar-daarmay in ay si wanaagsan oo akhlaaqi ku dheehan tahay iyo ciyaar wanaag ay la yimaadaan mudadda ay tartankaasi ka qayb qaadanayaan.
Hargeisa Press.com/Hargeisa Office.