Arabsiyo (HP): Badhasaabka gobolka Gabiley C/qani Maxamuud Jiidhe, ayaa maanta kormeer shaqo ku tegay degaanka Dhagax Guurre, oo dhinaca woqooyi kaga began degmadda Arabsiyo.
Kormeerkaasi waxaa badhasaabka ku wehelinayay badhasaab ku-xigeenka Gabiley, xubno ka mid ah golaha degaanka Gabiley, iyo maamulka degmadda Arabsiyo iyo isku-duweyaasha laamaha dawladda ee Gabiley.
Degaanka Dhagax Guurre, ee badhasaabka iyo weftigiisu ay booqdeen ayaa ah mid ay ku yaalaan waxyaabo aataar taariikhi ah oo dabiici ah, isla markaana waa meel haddii laga shaqeeyo noqon karta deegaan dalxiiseed.
Badhasaabka waxaa degaanka uga warbixiyay guddoomiyaha degmadda Arabsiyo Xamse Sacad Aw Muuse, waxaanu sheegay in deegaanka Dhagax Guurre, uu yahay deegaan dalxiiseed dabiici ah.
Hargeisa Press.com/Hargeisa Office.