Wefti Ka Socda Dalka Shiinaha oo Lagu Wado Inay Soo Gaadhaan Somaliland

0
2357

Hargeisa (Hargeisa Press)- Sida ay xaqiijiyeen ilo xog ogaal ah oo Wasaaradda Arimaha Dibadda Somaliland, wefti ka socda Jamhuuriyadda Dadka Shiinaha ayaa lagu wadaa inay yimaadaan magaalada Hargeysa illaa iyo berrito.

Safiirka Shiinaha ee Soomaaliya Mr. Qin Jian ayaa ku sugnaa hargeysa ilaa 1-dii Ogoust.

In kasta oo aan wax war ah laga helin ajandaha ama faahfaahinta xubnaha weftiga, haddana ilo xog-ogaal ah ayaa sheegaya in weftigu ay ka kooban yihiin saraakiil sarsare oo ka tirsan Wasaaradda Arrimaha Dibadda Shiinaha, kana soo ambabixi doonaan magaalada Beijing.

Ma cadda in Madaxweyne Biixi oo hore u diiday inuu la kulmo Danjire Jian uu la kulmi doono weftiga ka socda Wasaaradda Arrimaha Dibedda Shiinaha.

Somaliland ayaa iska fogeysay isku daygoodii hore ee Shiinaha ee ahaa inay ka weeciso xidhiidhkii ay la lahayd Taiwan.

Shiinaha oo ku andacoonaya Taiwan qayb ka mid ah dhulkeeda waxay cadeysay mowqifkeeda ku aadan madaxbanaanida Somaliland iyadoo si wada jir ah Villa Somalia ay iska diiwaangelisay mucaaradad adag oo ku aadan dhismaha xidhiidhka labada dal ee Taiwan.

Somaliland waxay hadda raadineysaa inay xoojiso xidhiidhkeeda ay la leedahay Taiwan waxayna dib u eegis ku sameyneysa ikhtiyaaraadka aqoonsiga labada dhinac ama midowga.

Dadaalladii lagu doonayey in lagu gaadho Danjire Jian iyo Safaaradda Shiinaha ee Soomaaliya si ay uga hadlaan faallooyinka wafdigu ayaa lagu guuleysan waayey.

LEAVE A REPLY