Wararka saacaddan soo gaadhaya shebekedda hargeisa press, ayaa sheegaya in 5 qof oo seddex kamid ah uu ku jiifo baabuur ah nooca loo yaqaan waaraadku ay dhinteen halka 8 ruuxna ay soo gaadheen dhaawacyo halisa ah, kadib markii baabuur xammuul ahi uu dusha ka maray baabuur kale oo xaajiyad ah oo ay saaraayeen rakaab ku socda degmada Qorilugud oo katirsan gobolka Buuhoodle iyo deegaanno ay ka midtahay degmada Wadaamagoo.
Adan Gaas Ciid, oo ka mida masuuliyiinta dawladda ee gobolka Saraar, ayaa shilkan oo dhacay abaaro salaaddii Maqrib u xaqiijiyay warsidaha Hargeisa press oo khadka taleefanka kula xidhiidhay isaga oo ku sugan magaalada Burco.
Dadka dhaawacmay iyo hal qof oo mayd ah, ayaa la soo gaadhsiiyay dhakhtarka guud ee magaalada Burco halka maydadka baabuurku ku jiifayna laga soo hoos saaray kadib gur mad uga tagay dhinaca Burco.
HargeisaPress News Desk
Burco office
wariye:-sakariye cabdiraxmaan ibraahin x.cabdi
sekeriye80@gmail.com
