Boorama (Hargeisa Press) – Nin Meyd ah oo gubtay ayaa laga helay badhtamaha Seeraha Magaalada Boorama ee Xarunta Gobolka Awdal.
Ninkan ayaan weli la aqoonsan wejigiisa, Magaciisa iyo Sababta Geeridiisa.
Ciidammada Dambi-baadhista ee Booliska oo gaadhay goobta Meydka laga helay ayaa Meydka geeyay Qolka Meydka la dhigo ee Cisbitaalka Magaalada Boorama.
Taliye ku-xigeenka Booliska Gobolka Awdal oo arrintan wax laga waydiiyay ayaa ka gaabsaday inuu faahfaahin dheeraad ah ka bixiyo, laakiin wuxuu sheegay in Meydka ninkan ay soo sheegeen Haween Caano u iib keenay Magaalada Boorama, dushiisana ay ka muuqato Dab, laakiin aan illaa hadda la garanayn inuu is gubay iyo in la gubay.
Hargeisa Press Desk/Boorama Office.