WASHINGTON — Madaxweynaha Maraykanka, Donald Trump, ayaa eryey Agaasimihii FBI-da, James Comey. “Maanta wuxuu madaxweyne Donald J Trump, ku wargeliyay Agaasimaha FBI James Comey, in shaqadii laga eryay,”ayaa lagu yidhi qoraal ka soo baxay aqalka cad.
Aqalka cad ayaa sheegay inay Agaasimihii FBI-da lagu eryey soo jeedin ka timid Xeer-ilaaliyaha guud ee Maraykanka. Waxaanay intaas ku dareen in beddelkiisii dhakhso loo magacaabi doono.
Waraaqda Trump xilkii kaga qaaday Mr. Comey, waxa lagu yidhi; “Ma tihin mid si wax ku ool ah u hoggaamin kara Hoggaanka FBI-da.”
Ninkan la eryay waxa lagu eedeynayay inuu gacansaar la lahaa Donald Trump, muddadii lagu gudojiray doorashadii madaxtinimada Maraykanka oo uu farogeliyay Hillary Clinton.
HargeisaPress News Desk — Hargeysa