Jabuuti oo Somaliland Ku Eedaysay Inaanay Iskaashi Kala Samayn Baadhista Kiiska Qarxii Dalkeeda Ka Dhacay 2014-kii

0
900
Djibouti (Hargeisa Press)- Dawladda Jabuuti ayaa ku eedaysay dawladda Somaliland inay ka gaabisay inay wada shaqayn kala samayso baadhista kiiska qaraxii Djibouti ka dhacay sannadkii 2014.
Warbixin ay soo saartay dawladda Maraykanka oo lagaga hadlay la dagaalanka argagixisada, waxa lagu sheegay in la soo gebagebeeyay iskaashi caalami ah oo hordhac ah oo la xidhiidha baadhista qaraxaas Djibouti ka dhacay sannadkii 2014, waxaana sida warbixintan ka muuqata ay masuuliyiinta Djibouti sheegeen inaanu garoorka Somaliland la samaynin iskaashi buuxa, iskaashi la’aantaas oo  ay sheegeen inay dib u riday baadhista kiiskaas.
“Waxa la soo gebo-gabeeyey sanadkii 2018 iskaashi caalami ah oo hordhac ah oo ku saabsan kiiska qaraxii 2014 ka dhacay [maqaaxida] “La Chaumiere.” Ayay tidhi warbixinta Maraykanku soo saaray, waxaanay intaas raacisay “ Dawladda Jibuuti waxa u qorshaysnayd inay bilaawdo dacwadda ciqaabta ah 2019. Sida ay sheegeen saraakiil dawladda [Djibuuti] ka tirsan, , iskaashi la’aanta  garsoorka deriskeeda Somaliland ayaa ka qayb qaatay dib u dhaca baadhista.”  Sidaas ayay tidhi warbixinta Maraykanku.
Warbixintan ayaa lagu daabacay bogga wasaaradda arrimaha dibadda Maraykanka 1 November, 2019, lagumana darin aragtida iyo jawaab celinta dhinaca dawladda Somaliland ee eedaha loo jeediyay.
Hargeisa Press Desk/ Hargeisa Office.

LEAVE A REPLY