Buuhoodle, (HargeisaPress) —Waxaa shalay si habsami leh ugga bilaabmay degaanka Gocondhaale ee degmada Buuhoodle oo ka tirsan gobolka Cayn. Deeq raashin ah loo Ganacsade Maxamed Yuusuf Cali Guray ufidiyay dadkii ay haleeshay Abaartu.
Munaasabadii qaybinta deeqdaas waxaa ka soo qayb galay Maamulka, xildhibaano Duqayda iyo Culimaa udiinka degmadaas iyagoo dhamaantood ay ugga mahadneqeen uguna duceeyeen Ganacsade Mohamed Yuusuf Ali Guray. waxaa munaasabadii qaybinta raashinkaas ka hadlay uggu horayn gudoomiyaha gudida qaybinta taakulaynta uu u soo wakiishay Mohamed Yuusuf Cali Guray Mudane Ahmed Abdulqadir oo sheegay in ay deeqdani qayb ka tahay deeq loogu talagalay dadka dhibaatadu ka soo gaadhay Abaarta sidoo kalena ay gaadhsiin doonaan dhulka kale ee dhibtani sida xoogga ah u saamaysay inshaa’allaah.
Waxaa isagguna halkaa ka hadlay Maxamuud Maxamed Coljoog oo kamida odayada dhaqanka ee Gobolka Cayn oo sheegay in ay Mahadnaq iyo bogaadin u soo jeedinayaan Ganacsade Mohamed Yuusuf Cali Guray. Waxaa sidoo kale iyagguna ka hadlay Yoole Xaji Ducale, Maxamud Bacaluul,
Ali Bashir xaji abdi oo hadalo mahadnaq iyo duco isugu jira ka soo jeediyay halkaas.Waxaa iyagguna ka hadlay xubno ka tirsan dadkii maanta loo qaybiyay deeqda oo hadalo mahdnaq iyo duco isuggu jira halkaas ka jeediyay.
Deeqdan raashinka ah oo ka koobnayd Bariis, Daqiiq, Sonkor, saliid iyo Timir ayaa loogu tala galay in la gaadhsiiyo qoysas tiradoodu gaadhayso 400 oo ka mid ah dadka ay abaaruhu saameeyeen.
Qaybinta deeqdan loogu tala galay dadka ay abaaruhu saameeyeen ee deegaanka Buuhoodle ayaa ka soo qayb galay maamulka, xildhibanada, duqayda, culimo awdiinka iyo wax garadka degmadaasi, kuwaas oo soo dhaweeyey deeqdan uu soo gaadhsiiyey ganacsade Maxamed Yuusuf Cali Guray.
HargeisaPress News Desk — Hargeisa