Berbera,(HargeisaPress)—Shirkadaha wakiilada u ah Marakiibta Koonteenarada qaada ayaa Dhowrkii sanaba mar Kor u qaada Lacagta ay ka qaataan koonteeenarada, waxaanay sanadkii 2016 ku kala kordhiyeen koonteerada ka 20ft $40 halka Ka 40 Ft ah ay ku kordhiyeen $60. Koonteenarka 20ft ah waxaa la qaadi jiray $ 45 waxayna ka Dhigeen $85 Koonteenarka 40 Ft ah waxay qaadi jireen $ 95 waxanay ka Dhigeen $155 Iminkana waxaay ka Dhigayaan Koonteenarka 20 Ft ah $150, halka Koonteenarka 40 Ft ah ay ka Dhigayaan $215.
Hadaba Lacag kasta oo aay Kordhiyaan waxay Fuuli Doontaa Bulshsda Somaliland Lamana garanayo sababta kaliftay in ay Xiligan Ku fakiraan in ay Cidhiidhi sii galiyaan Umada Somaliland ee ay saamaynta ku yeeshee Sicir bararkii iyo Abaarihii waayo lacagtaasi marka lasaaro ganacsatada wax kala soo degta dekada Berbera iyaguna shacabka ayuun bay siisaarayaan intay waliba laban laabaan lacagtaa shirkaduhu ka qaadeen.
Lacag Kordhintan ayaa bilaabimi doonta 7 July e 2019 sida ku cad warqada sirta ah oo ka soo baxday shirkada ugu shaqada badan oo warbaahintu heshay.
Dhanka kale Wasaarada Horumarinta ganacsiga iyo warshadaha Jamhuuriyada Somaliland ayaad Moodaa Inaay ka gaabinayso xakamaynta Shirkadahan aan cidna waxba iskaga tirinayn ee markay doonaanba lacagta korodhsanaya waxaana suura gala in arinkan buuq badani ka dhasho oo ganacsatadu ganafka ku dhufato inta muranku jirana shaqo joojin aay dhacdo Sida uu Noo Sheegay ganacsade isagu Si Hoose Nogusoo Gudbiyay warqadan waxaa kale oo uu ka digay in lacag kordhinatni hirgasho.
HargeisaPress News Desk — Hargeysa
hargeisapress@gmail.com