Ceerigaabo (Hargeisa Press)- Agaasimaha guud ee Wasaaradda Warfaafinta Dhaqanka iyo Wacyigelinta Mustafe Cabdi Ciise Shiine oo safar shaqo ku jooga magaalada Ceerigaabo ee xarunta gobolka Sanaag, ayaa booqday Maktabadda Gobolka Sanaag ee ANFAC.
Agaasimaha, ayaa u kuur galay xaaladda Maktabadda, taas oo dhallinyarada gacanta ku haysa ugu tegay booqasho iyo dhiirigelin.
Agaasimaha guud ee Wasaaradda Warfaafinta Mustafe Shiine, ayaa balanqaad weyn u sameeyay dhallinyarada gacanta ku haysa Maktabadda, isagona u ballan qaaday in uu la dedaali doono uuna garab istaagi doono.
Ugu dambaynna Agaasimaha, ayaa waxaa uu saxeexay Buugga Madaxda soo booqata Maktabadda gobolka Sanaag ee ANFAC.
