Hargeysa, (HargeisaPress) —Laba xildhibaan oo kamid ah xildhibaanadii u codeeyey Cabdiraxmaan Talyanle ayaa caawa warbaahinta la hadlay,waxaana ay ka dhawaajiyeen in Baashe Maxamed Faarax uu diiday ergo kaste oo u tagta oo wada dhexdhexaadin lagu xalinayo khilaafka golaha wakiilada ka taagan,kuwaas oo uu ugu danbeeyey gudoomiyaha golaha guurtida Somaliland uu ergo ugu tagay Baashe Balse uu diiday.
Waxaana xildhibaanadani ay arrinkan golaha dusha u saareen wasiirka madaxtooyada Somaliland Maxamuud Xaashi Cabdi,iyaga oo ka digay in goluhu bari uu furmo,kuna hanjabay in waxii ka dhaca golahaasi uu masuul ka yahay Baashe Maxamed Faarax.