Hargeysa, (HargeisaPress) —Maayarka Magaalada Hargeysa Cabdiraxmaan Maxamuud Caydiid (Soltelko), ayaa Maanta ka hadlay Dhul Dawladda Hoose ka qorshaynaysay Duleedka Caasimadda oo Wasaaradda Hawlaha Guud Shalay ka joojisay.
Maayarka Hargeysa oo Maanta Shir-jaraa’id qabtay ayaa sheegay in dhulka ay wasaaradda Hawlaha guud ka joojisay yahay Dhul ay Dawladda Hoose Maamusho isla-markaana Maxkamadi xukuntay in la qorsheeyo, maaddaama oo la dhaxlayey.
Laakiin Arrintaasi iyo eedaymo uu u jeediyey Maayarku Wasaaradda Hawlaha guud waxa isla Maanta si adag uga jawaabay Agaasimaha Waaxda Dhulka ee Wasaaradda Hawlaha Guud.
HargeisaPress News Desk — Hargeysa