Hargeysa, (HargeisaPress) — Munasibad balaadhan oo si heer sare ah loo soo agaasimay ayaa Dugsiga barashada karinta cuntada ee Bilan Cooking Center ku qabtay xalay Hotel Safaari taas oo ay kaga qalin jabinayeen Araday baratay cunto karinta.
Munaasibadan ayaa waxaa ka soo qaybgalay Gudoomiyaha labaad ee Golis European College Fadxiya Oomar Cismaan, Chef Maxamuud, Gudoomiyaha Bilan Cooking Center Marwo Badra Aadan X Diiriye, Aradayda qalin jabinaysay iyo Dadweyne aad u tiro badan.
Gudoomiyaha labaad ee Golis European Fadxiya oo halkaasi ka hadashay ayaa ugu baaqaday haweenwenaha iyo Raga Somaliland in ay u soo hiloobaan dugsiyada barashada cuntada si ay u soo saaraan ama u sameysataan cunto nafaqadeedu isu dheeli tiran tahay oo tayo leh taas oo bay tidhi lagu gaadhi karo caafimaad taam ah, sidoo kale Gudoomiyaha Bilan Cooking Center Marwo Badara ayaa iyaduna ugu baaqaday dumarka iyo ragaba in ay wax ka barataan dugsiga karinta Cuntada ee Bilan Cooking Center si ay u helaan bay tidhi cunto nafaqo leh,sidoo kale Najma Faarx Maxamuud oo ku hadlaysay afka ardaydii halkaa wax ka baratay ayaa u mahad celisay macalimiinteeda oo sheegtay in ay qaateen waxbarasho anficidoonta.
Ugu danbaytii waxaa halkaasi lagu soo bandhigay cuntadii ugu danbaysay ee ardaydu kariyaan ee ay kaga qalinjabinayeen dugsiga waxaa goobtaasi kaga tijaabiyey Chef Maxamud oo ah macalin ku taqaqusay kairinta cuntada oo imtaxaankaga qaaday cuntadaas, waxaana halkaa lagu gudoonsiiyey sadexdii Arday ee kaalmaha koowaad labaad iyo sadexaad galay abaal marino iyo shahaadooyin , Gudoomiyaha Bilan Cooking Center Marwo Badra ayaa shahaadada qalin jabinta ah gudoonsiisay Aradaydaa.
waxaa kaalinta kowaad gashay Nimco Maxamaed Faarax, kaalinta labaad waxa gashay Najma Farxaan Maxamuud, halka ay kaalinta Sadexaadna gashay Isra Axmed Cabdilaahi, gunaanadki ardaydu waxa ay galeen sawiro gaar ah iyo qaar ay la galeen gudoomiyaha Bilan Cooking Center, Nimco Maxamuud Faarax oo kaalinta koowaad gashay ayaa iyada la gudoonsiiyey bilad dahab ah halka labada Araday ee ku soo xigana la guddoonsiiyey abaal marino qaali ah.
HargeisaPress News Desk — Hargeysa
hargeisapress@gmail.com